Slami Qolou

Play Pause

Paroles

سلامي قله شيل يا تيار
واحكيلهم عن حالة البحار
اللي مركبه موج البحر
داير معاها حال
ضيع طريقه والدليل احتار

لو شوقي شيل .....
لزين ريته بو غداير ليل
وقوله عيوني ماتنام الليل
من كثر شوقي وطولة المشوار
سلامي قله شيل يا تيار

في حين ما تلاقيه.....
اوصفله حالي وشن صاير فيه
ما الزرع دابل ام لا ساقيه
دبلت وراقه بعد كانو خضار
تباعد طريقي والدليل احتار
سلامي قله شيل يا تيار

يا موج خللي تسير .....
مركب احلامي بس ليش تحير
عندي امل فيها و فرح كبير
ترسي على شط الامال نهار
تباعد طريقي والدليل احتار
سلامي قله شيل يا تيار