"حرمت بك نعاسي/الحراز/الرعد"

Play Pause

كلمات

حرّمت بك نعاسي يا ميرة الريام
وبحت بك أناسي وصرت لك غلام
الوحش جار عليّ وابعد عنّي المزار
حين تصفرّ العشيّة نتوحّش الديار
........
آيلي آلي والغني ربي
راز حكيم من الحجاز و طلع للغرب على البراز
قاري جردابية ديال رومان الزرق يا فهيم و ميسر كذا من حكيم قاري علم التنجيم
كيحقه و سجيع و فرصة ومعلم في حرب النساء و مبلي بالطاسة
و سالباه الجلسة بين البنات جايل عنهم طول الحياة جال مدن و قريات
خاصاه غزالة عنها يدور فتش المداين و الدشور يوم وصل الأزمور
صاب بنت ظريفة عذراء و باهية و لطيفة
في العود كتخبل و تصيح معاه بالحجازي و شغول الشام
صايلة بيهم عن جميع الرّيام و عيوط الغرب مع الكلام
و بنت اثناعشن عام عندها في عمرها عذراء مخنترة في صغرها
عندي كابرة فالعشرة و لا تطيق عني صبرة
في كل يوم ما تخطاني
حتى ان جاء الحراز مطّور في البلاد باعوها له حساد كيحسدوني في هلال الاعياد
عمل عنها الارصاد في القصر و سكن بين الواد و البحر
و تملّك بها و ملكاته الغزالة العذرية
حكم عنه مير زينها و ظفر بالحراز و عمل الارصاد على المجاز

آيلي يلي و الغني ربي
غابت عني تاج الابكار سبع ايام افقدت الاخبار صبح عني بشار
جاء و بشرني بخبار الغزال عند الحكيم آ من تسال
من جانا للغرب بالسحر رصدها في داخل القصر
مكاته بالزين و الشعرو الشامة و الخال و الشفر
و الخد العكري بلا عكر و المعنى فالنقط و الشعر
و انا نطورقلت له جميع اصحابي طيار انفرقه عن تاج البكار
انعجب به الا عطات فيه الوجبة بمحاربة
درت خصايل المغاربة زولت الجلابة
و درت كسوة قاضي الكتاب دايره في اللبدة
تسبيح في يميني لحية كسلوك الفضة
وصلت باب القصر نطقوا الارصاد
كيقولوا تجاوب يا حكيم خرج حراز الريم
قال لي آش عني بيك يا مغربي ؟؟
و نطقت و قلت له : انا قاضي الاسلام. جيت نستبرك منك يا حكيم
و نطّعمك في حق الكريم تمشي الى عندي للدار للضيافة و نطق و قال لي معتزلي
ما نامنشي في بعض السلام مواكلهم عندي حرام ما نشرك عندك شي سلام
انت قاضي خداع روح في حالك صد عليّ
واش القاضي كيكون مثلك جيتي همازو طلع للقصر و كنّ باز .

كيف جرى بين العشيق وعويشة و الحراز حراز حكيم من الحجاز
آيلي آيلي والغني ربي


حراز مطور بالاشكال و انا نرجع له بالحيال صاحب سيدي رحّال
درت عشرة بقطاطي دايرين و شمعهم مشعولين
و البنادر عشرة متسخنين و حنايا جدبانين كاملين
وصلنا لباب القصر
نطقوا الارصاد بداوا كيقولوا تواجب يا حكيم خرج حراز الريم
كأن جن مطّور عينيه كيدوروا في راسه زدت ليه سلّمت عليه غفل
قاع ما رد علي شي سلام قلت في قلبي ولد الحرام
جدبت عليه و قلت له قول مرحبا بأهل الكمال
تعرف سيدي رحّال جدنا و انتايا جتي لغربنا لازم نوريك سرنا
دخلنا للدار و القصر و كرمنا بالعود و الزهر
جبنا ليك الخير و الستر و الظالم ساقر
ليس جاوبني عن هذا القوال عاد تلفت لي و قال :
نعرف سيدي رحال حق والي الله بالكمال ليس نبي و الا مرسال
جبتوا مذهب هذا الحيال وا نتما يا عشرة طوال
بقطاطيكم كيف الكبال و حذا عشكم ختال جابكم انتما للحمية
و دار في الارصاد قال كرموهم بالعكاز فلت خيّك بين الغراز

آيلي واش نعمل واش المعمول واش ندير معاه؟؟ حراز حكيم من الحجاز

كيف جرى بين العشيق و عويشة و الحراز حراز حكيم من الحجاز

حراز قديم رهيب فات و حكيت فعاله للبنات قالوا لي الشّيخات :
يالعاشق نمشيوا معاك بالرباعة و اثناعش من البنات غير الخودات الفايزات
ثلاثة مولوعات صايلات بنقط الكمنجات
و ثلاثة عوادات حافظين الالات على الثبات
و ثلاثة طرارات حافظين قصايدهم و الابيات
و ثلاثة رقصات كيسلبوا من كان قديم ثبات
و يردوا الشايب للشباب ينسى شيبه و نطقت قلت ليهم :
هذا هو الدخول هذه الحيلة هي النزول قامت البتول
لبستني كسوة ذهب و حرير و انا باقي زين و صغير
لا لحية لا شارب كأن عذراء كي هدت للصيام
و فناها الهوى و الغرام العيون جعب روام و الخدود و رادة
و الفم كخويتم و الشفايف لاويين قومان بحبي كاويين
و التحليقة جمعت المطاوي تلحفت بحايك المحربل
قالوا البنات يالشيخة زيدي قدامنا سميناك أمي يامنة
بعد زدت انايا قدامهم نطقوا الارصاد بداوا كيقولوا :
تواجب يا حكيم * خرج حراز الريم شافنا بندقنا له بالجميع
و دويت انا دغية معاه طلبته ضيف الله قال لي: منين انتم ؟؟
قلت له جينا لك من فاس يا حكيم انت عز الناس
جبت لك رباعة للوناس للزهو و النقط مع الكاس
قال : انت حصلة و جاية لعندي بمحلة
روحي شوفي شي قشلة تبيتك يا بنت الزغبية
انتي و اثناعش يخصكم طباخ و خباز روحوا للحارة ذا اقراز

.........
الرعد زن طبلو من بعد قناطر الصمايم
البرق سل سيفو و يخبل في خيول لمزان
والريح فارس يشالي
عن عقاب العلفات عل الوغى مشمر
القجح شد بندو و الفرح عساكرو تلايم
و حرك ببدان البيدا حتى جرات ويدان
قلبي بحبها سالي
كل فج صبح من ذاك الدمام مخضر
صح زارني محبوبي البارح كنت صايم
شهدة قطعت وجنيت الورد قالو كليت رمضان
مهجور قلت مدالي
يا حبيب الخاطر آش المريض يفطر
العشق و الغرام افناني منو صرت عادم
تارة نغيب تارة نحضر حتى تقول سكران
فالحب هاكذا حالي
غير سلملي يا من لمت و ليس تعذر
إذا يجودلي بالنظرة خد البها الواسم
ونزيد على وزان الشهدة لمجالسة بلامان
الغير ليس يزهالي
بالصفا نعشق حاشا فالمليح نغدر
صح زارني محبوبي البارح كنت صايم
شهدة قطعت وجنيت الورد قالو كليت رمضان
مهجور قلت مدالي
يا حبيب الخاطر آش المريض يفطر
ماني خديع ماني شاتم لا صاحب الجرايم
عمري نكرت إنسان ولا فطرت صومان
إلا شطارة شغالي
راه يندم من كان في عيبنا يكثر
يا رافع السماوات اجعلني للصلاح رايس
بدل سياتي بالحسنات ولا نروم شيطان
ولا تخيب سؤالي
للذنوب الفايت واللي عملت تغفر
صح زارني محبوبي البارح كنت صايم
شهدة قطعت وجنيت الورد قالو كليت رمضان
مهجور قلت مدالي
يا حبيب الخاطر آش المريض يفطر